കൊട്ടിയൂർ: വൈദ്യുതി ഉപയോഗത്തിൽ ജാഗ്രത പുലർത്തുകയെന്ന ലക്ഷ്യത്തോടെ കൊട്ടിയൂർ പഞ്ചായത്തും കെഎസ്ഇബിയും എടത്തോട്ടി ഡിപോൾ ആർട്സ് ആൻഡ് സയൻസ് കോളജ് എൻഎസ്എസ് യൂണിറ്റും സംയുക്തമായി നടപ്പിലാക്കുന്ന ‘സേവ് എനർജി, സേവ് ഫ്യൂച്ചർ’ പദ്ധതിക്ക് തുടക്കമായി. കൊട്ടിയൂർ പഞ്ചായത്തിലെ ഒന്ന്, രണ്ട് വാർഡുകളിലാണ് ഒന്നാം ഘട്ടമായി പദ്ധതി ആരംഭിച്ചത്.
പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് സിസിലി കണ്ണന്താനം നിർവഹിച്ചു. കോളജ് പ്രിൻസിപ്പൽ ഫാ. ഡോ. പീറ്റർ ഊരോത്ത് അധ്യക്ഷത വഹിച്ചു.
പഞ്ചായത്ത് വൈസ് പ്രസിഡന്റ് റോയി നമ്പുഡാകം, സ്റ്റാൻഡിംഗ് കമ്മിറ്റി അംഗങ്ങളായ ജോണി ആമക്കാട്ട്, ജിൻസി വിളയാനി, പഞ്ചായത്ത് അംഗങ്ങളായ ഷാജി തെങ്ങുംപള്ളി, രവി എടാൻ, എൻഎസ്എസ് പ്രോഗ്രാം ഓഫീസർ തോമസ് പോൾ തുടങ്ങിയവർ പ്രസംഗിച്ചു.
Deepika
E-paper LOGIN
LOGIN
